Logo-do Profile

Історія держави і права України

Лекція 4

Першоджерела


Першоджерела Документ 1

РУКОПИСАННЯ КНЯЗЯ ВОЛОДИМИРА ВАСИЛЬКОВИЧА (близько 1287 р.)

Во имя отца й сына й святого духа. Молитвами святыа богородица й приснодевица Марья й святых аггел. Се яз князь Володимерь, сын Василков, внук Романов даю землю свою всю й городы, по своемь животе, брату своєму Мьстиславу, й столныи свои город Володимир; другую же грамоту напсах брату своєму такую же; хочю й еще й княгиие своей псати грамоту такую же.

В имя отца й сына й святого духа, молитвами святыа богородица й приснодевица Марья, святых аггел. Се яз князь Володимер, сын Василков, внук Романов, пишу грамоту: дал есмь княгине своей, по своемь животе, город свои Кобрынь, й с людми, й з данью, како при мне даяли, тако й по мне ать дають княгине моей. Иже дал есмь ей село своє Городел, й с мытом, а людье какото на мя страдало, тако й на княгиню мою по моємь животе; вже будеть князю город рубити, ини к городу, а побором й тотарыциною ко князю. А Садовое ей Сомино же дал есмь княгине свое(и) й манастырь свои Апостолы, иже сьздах своею силою. А село есмь купил Березовиче у (Ю)рьевича у Давидовича Фодорка, а дал есмь на немь 50 гривен кун, а 5 локот скорлата, да броне дощатые: а тое (село) дал есмь ко Апостолом же. А княгини моа, по моемь животе оже восхочеть в черниче пойти, пондеть; аже не восхочеть йти, а како ей любо, мне не воставши смот-рить, что кто иметь чинити по моємь животе.

Документ 2

ГРАМОТА ІВАНА РОСТИСЛАВОВИЧА БЕРЛАДНИКА (1134 р.)

У име отца й сына (и святого духа): аз, Иванко Ростиславовичь от стола Галичиского, кнезь Берладськы сведчую купцем (меси) бри-ськьм да не платет мыт у граде нашем (у Ма)лом у Галичи на из-клад, разве у Берлади й у Текучом й о(у г)радох наших. А на исъвоз розьным товаром тутошным и угръськым и руськым и чес(кым), а то да платет николи жь разве у Малом у Галичи. А кажить воевода. А на том обет. (В лето) от рожьства Христова, тисещу й сть й тридесять й четыре лет месяца мае 20 день.

Документ 3

СТАТУТНА ГРАМОТА КНЯЗЯ МСТИСЛАВА РОМАНОВИЧА (близько 1289р.)

Се аз князь Мьстислав, сын королев, внук Романов, уставляю лов­чее на Берестьаны й в векы, за их коромолу: со ста по две лукне меду, а по две овце, а по пятинадесять десяткъв лну, а по сту хлебов, а по пяти цебров овса, а по пяти цебров ржи, а по 20 кур ...

Текст подається за виданням: Терлюк ІЛ. Історія держави і права України. - К., 1999. - С. 28.


© 2006—2018 СумДУ